Во Куманово од 5 до 7 октомври ќе се спроведе вториот есенски циклус на дератизација и дезинсекција во канализациската мрежа на територијата на Општина Куманово.
Од Општината информираат дека третманите ќе се реализираат во периодот од 8 до 16 часот. Ќе се спроведува дератизација против глодари и третман против црна лебарка во канализациската мрежа.
-Во вториот есенски циклус, ќе се одвива дератизација против глодари и третман против црна лебарка, во канализациската мрежа на територија на Општина Куманово. Во процесот на дератизација ќе се користи препаратот deration parafinato и препаратот cymina plus за третман против лебарки-наведуваат од општина Куманово.
Од таму информираат дека, во случај на неповолни временски услови, планираните третмани ќе бидат одложени за првиот нареден ден кога условите ќе дозволат нивно безбедно спроведување.
Општина Куманово за услуги кои се извршуваат неколку пати во годината, за запрашување против инсекти, дезинсекција, дератизација против крлежи, лебарки, комарци и глодари од општинскиот буџет оддели над еден милион денари (1.112.400,16). За авионско третирање со инсектицид против комарци – возрасна форма општината одвои над 1, 5 милиони денари од буџетот (1.569.376,40).
