Вчера, во Еквадор, почина актерот Кирил Поп Христов – Кили. Имаше 58 години. Поп Христов се пресели во Еквадор во 2014 година. Иако често доаѓаше во Скопје, последната една и пол година ја поминал во Еквадор.
Кирил Поп Христов е роден на 30 јули 1967 година во Скопје. Дипломирал на Факултетот за драмски уметности – Скопје, на отсекот за актерска игра, во класата на професорот Љубиша Георгиевски.
Од 1993 до 2014 година работеше во Македонскиот народен театар. Глумеше во филмовите „Панкот не е мртов“, „Бал-кан-кан“, „Тетовирање“, и во претставите „Ослободување на Скопје“, „Ревизор“, „Народен пратеник“ и други.
Кили ќе биде погребан во Еквадор.
