Плинот поевтинува за 5 денари по литар. Од досегашните 59 на 54 денари, што според Владата е резултат на конкретни мерки за стабилизирање на пазарот.
Од полноќ, Макпетрол ја намали малопродажната цена на течен нафтен гас односно плин за 5 денари по литар, од 59 на 54 денари. Истовремено, во трговијата на големо е евидентирано намалување од 10 денари по килограм, што во пресметка значи приближно 5 денари по литар ,истакна Митева.
Владините проценки се дека намалувањето веќе се рефлектира и кај останатите бизниси на пазарот. Ова намалување не е резултат на моментална пазарна состојба, туку на анализа на Државниот пазарен инспекторат и договор со трговците за намалување на бруто маржите.
Ова намалување не е резултат на краткорочна пазарна случајност, туку е резултат на анализа од страна на ДПИ и преку договор и преземена одговорност од страна на трговците, за намалување на бруто маржите. Постигнавме согласност овие маржи да бидат намалени и да се задржат на тоа ниво и во наредниот период, да немаме осцилации коишто сега ќе ги имаме, оваа недела кон намалување, а следната би имале зголемување, што значи дека за повеќе од 10% во трговијата на големо и за 9 до 10% во малопродажба ќе имаме намалување. – рече Митева.
Претходно , Владата донесе и сет мерки како намалување на ДДВ и акцизата на горивата, како дел од поширок пакет за ублажување на ценовниот притисок.Исто така најголемиот снабдувач со нафтени деривати ОКТА овозможи попуст до 3 денари по литар до крајот на април за горивата. Поддршка за земјоделците беше овозможена и преку огранчување на маржите за трговците кои увезуваат ѓубриво од странство. Според ММФ Македонија на трето место по обемот на преземени мерки за помош на граѓаните и бизнисот.
