Една од нив е хоспитализирана на Клиниката за пластична хирургија, додека двајца се наоѓаат во старата Градска болница, а уште двајца се лекуваат во приватната болница „Систина“.
Во странство моментално се лекуваат 44 пациенти, од кои двајца се во критична состојба.
Еден пациент кој претходно се лекуваше во Ниш беше пренесен назад и згрижен на Клиниката за пластична хирургија, а по детални прегледи, наредниот ден беше пуштен на домашно лекување.
Од Министерството за здравство информираат дека се во постојан контакт со странските здравствени установи и внимателно ја следат состојбата на сите хоспитализирани пациенти.
Да потсетиме, пожарот во дискотеката „Пулс“ во Кочани, кој се случи на 16 март, однесе 62 животи и повреди околу 200 лица. Голем дел од повредените беа пренесени на лекување во странство.
