Владата е пријателски настроена кон бизнисот кој треба да го креира растот. Бизнис климата е вежна за да се остварат добри резултати. Ова е ставот на министерот за локална самоуправа, Златко Перински кој учествуваше на конференцијата Светот во 2025 година.
Локалната самоуправа треба да го поддржува развојот. Сепак, Перински вели дека наместо решавање на проблемите, некогаш општините се кочничари за фирмите, главно поради недостатокот на финансии за капитални инвестиции. Тој критикува дека градоначалниците не можат самите да си ги соберат парите од данок на имот, некои не издавале навреме даночни решенија, а барале пари од централниот буџет.g
Дигитализација на услугите на општините кон граѓаните и фирмите – ова е клучно за да се формираат модерни општини. Ако не се ажурираат базите на обврзници, наплатата на данок на имот ќе остане на потпросечно ниво од 50-тина проценти.
За да можат да понудат квалитетни услуги на фирмите и граѓаните, општините мораат да вложуваат во квалификуван кадар. Според Перински , бизнисот мора да работи заедно со локалната самоуправа ако сака да обезбеди натамошен развој не само на локално ниво, туку и во цела држава.
