Унгарскиот премиер Виктор Орбан вели дека неговата земја е водечка сила која притиска за прием на земјите од Западен Балкан во Европската унија.
Србија, Македонија или Црна Гора „не можат да чекаат, а Украина која е разурната од војна, која ништо не може да даде, а само ќе зема да влезе во унијата пред нив, порача унгарскиот премиер.
Според Орбан приемот на земјите од Западен Балкан ќе донесе „вонредни економски придобивки за Унгарија“.
Во коментарите за унгарската државна телевизија Орбан тврди дека „провоено мнозинство“ опстојува во Брисел, велејќи дека „европските лидери одлучиле Украина да продолжи да се бори“.
Унгарскиот премиер се смета за водечка фигура на екстремната десница во Европа и за најблизок партнер на рускиот претседател Владимир Путин во Европската унија.
