Општина Карпош додели спортски стипендии за талентирани млади спортисти – жители на општината, по завршувањето на Јавниот повик за доделување стипендии за учебната 2026/2027 година.
Стипендиите, како што соопштија од Општина Карпош, се наменети за ученици од VIII и IX одделение кои со своите спортски резултати се издвојуваат на национално и репрезентативно ниво.
Според категоријата, стипендиите од Прва категорија изнесуваат 3.500 денари месечно, додека стипендиите од Втора категорија изнесуваат 3.000 денари месечно. Средствата ќе се исплаќаат во период од осум месеци во текот на учебната година.
Списокот на добитници на спортските стипендии за 2026 година можете да го погледнете на следниот линк: https://shorturl.at/usWM6.
Со доделувањето на спортските стипендии, Општина Карпош продолжува со поддршката на младите спортски таленти и нивниот развој, особено на учениците кои со своите индивидуални спортски резултати се издвојуваат на национално и репрезентативно ниво.
