Купувачите полека но сигурно се навинуваат да ја користат новата алатка за споредба на цените во маркетите. Обврската на интернет да се објавува колку чини секој производ започна да важи од пред десет дена. Дел од граѓаните велат дека тоа им помага да заштедат од семејниот буџет.
Со јавното објавување на цените онлајн се поттикнува и конкуренцијата, па маркетите се приморани да се натрпреваруваат меѓу себе и да ги поевтинат производите. Граѓаните велат дека се забележува извесно намалување.
Ажурирањето на цените треба да се врши секој ден до 10 часот, а во случај на ненамерна техничка грешка, трговецот е должен да ја коригира во рок од 24 часа. Освен транспарентност, измените на законот предвидуваат и поригорозни казни. Маркетите што ќе ги прекршат правилата може да добијат и 15-дневна забрана за работа.
Давид Крстевски
