Идејата на министерот за образование со онлајн настава да ги смири тензиите во училиштето “Тодор Јанев” во Чашка, за родителите е неприфатлива. Револтот дополнително го подгрева и директорката на училиштетот Елена Николова која без официјална одлука од МОН реши да ги подготвува наставниците, родителите и учениците за учење од дома.Ако МОН пресече дека ќе има онлајн настава, а директорката го споведе тоа, револтираните родители најавија бојкот на наставата.Онлајн се учеше единствено во ковид пандемијата и овој метод не е решение, велат родителите.
И експертите со проака до министерот итно да најде решение за овој случај.
“Можам да дадам само насока и препорака кон МОН и останатите институции многу брзо да делуваат да дојдат до решение. Бидејќи ваквите случаи значително ќе го поместат балансот на состојбите, особено во такви ранливи средини како што е Чашка.Институциите мора многу брзо да делуваат за да дојдат до решението” вели Зоран Илиески, коалиција “СЕГА”.
Дополнително родителите ангажираа и адвоктаски тим кој треба да истражи дали и како директорката е назначена на таа функција. Се сомневаат во незаконско работење на Николова и обвинуваат дека политички е сместена во директорската фотеља.
Учениците од ова училиште повеќе од еден месец не ја посетуваат наставата поради воведувањето на паралелка на албански јазик. Општина Чашка уште летото ги загуби ингеренциите за ова училиште, а родителите обвинуваат дека сè што се спроведува, се спроведува на незаконски начин.
