Македонските компании пред нов инвестициски циклус. Почнуваат да легнуваат траншите од унгарскиот кредит. Првите проекти се одобрени и веќе се поднесени барања до Развојната банка за префрлање на средствата. Стопанствениците се задоволни од можноста да дојдат до ликвидни средства кои ќе ги вложат во равој, проширување на производството и нови работни места. Парите доаѓаат под поволни услови – каматна стапка од 1,95%, рок на отплата ндо 15 години и грејс период до три години. Компаниите ќе може да аплицираат за кредит до 10 милиони евра, а во бизнисот кој ќе го отпочнат ќе треба да имаат учество од 20%.
Од унгарскиот кредит беа одворени 250 милиони евра за компании, 250 милиони се наменети за проекти на општините, а 500 милиони се веќе искористени за враќање на еврообврзница, стар долг наследен од претходната власт. Министерката за финансии вели дека каматата од 3.25% што сега ја плаќаме е најповолна на меѓународниот пазар и затоа се одлучиле на раздолжување на овој начин. Гордана Димитриеска – Кочоска е децидна дека со домаќинско работење јавниот долг ќе остане стабилен.
Унгарски пари легнуваат и на сметките на општините. Најголем дел од нив веќе започнаа со реализација на првите проекти.
Но, има и такви кои се жалат дека наводно се игнорирани од централната власт.
Првиот човек на Струмица на социјалните мрежи се пожали дека Министерството за финансии доцнело со повратот на ДДВ за јавното претпријатие Струмица транспорт, но и дека доцнеле дотациите за локалната каса.
Министерката за финансии за ова вели дека Костадин Костадинов имал шанса на псоледниот состаниок со останатите градоначалници да оствари средба со неа, но не се пијавил, а ниту побарал посебна средба. Вели дека социјалните мрежи не се канал за официјална комуникација и објаснува дека средствата за кои говори струмичкиот градоначалник се предмет на контрола во УЈП и откако првоерката ќе заврши ќе бидат префрлени.
