По повод 23 Април – Светскиот ден на книгата и авторското право, Собранието денеска организира настан „Читај меѓу редови“, посветен на книгата како трајна вредност, извор на инспирација и простор за дијалог меѓу различни искуства, генерации и општествени хоризонти.
На настанот, како што е најавено, ќе биде прочитана национална порака по повод Светскиот ден на книгата и авторското право.
Предвидено е, исто така, и пратеници да се обратат на тема: Книгата што оставила трага, по што ќе следуваат прашања и дискусија со студенти.
