Општина Илинден денеска ја одбележа 25-годишнината од смртта на Роберт Петковски, кој како припадник на Министерство за одбрана на Македонија загина во Вејце на 28 април 2001 година.
По тој повод, пред спомен-плочата во населеното место Бунарџик беше положено свежо цвеќе во знак на почит и сеќавање на неговата жртва. Почит оддадоа членови на семејството на Петковски, делегација на Општина Илинден предводена од градоначалникот Александар Георгиевски, пратеничката Драгана Бојковска, припадници на специјалната единица „Волци“, како и претставници на месната заедница и бројни жители на Бунарџик.
Во чест на прерано загинатиот бранител, кој воедно беше и член на фудбалскиот клуб „Бунарџик“, и оваа година се одржува традиционалниот меморијален фудбалски турнир под покровителство на Општина Илинден. Натпреварите се играат на фудбалското игралиште во Бунарџик, кое го носи неговото име, продолжувајќи ја традицијата на негување на споменот и вредностите што ги остави зад себе.
