Секој треба да го плати својот дел. Одговорноста и посветеноста се клучни, порачаа од Управата за јавни приходи на денешното одбележување на Денот на даночните работници – Свети Матеј.
На свеченоста се обратија премиерот Христијан Мицкоски и директорката на УЈП, Елена Петрова, кои истакнаа дека институцијата останува посветена на спроведувањето на законите и унапредувањето на процесите во даночниот систем. Од УЈП нагласија дека модернизацијата на услугите и транспарентното работење остануваат меѓу главните приоритети во иднина.
Управата за јавни приходи во изминатите десет месеци ја зголемила нето-наплатата на даноци за шест проценти. Во државниот буџет од почетокот на годината досега се слеале 3 милијарди и 600 милиони евра.
