🎥 Од „добри“  во „многу добри“ : Просечната оценка од полагањето државна матура годинава малку повисока од лани

Подобар успех на државната матура од лани и помалку препишувачи. Просечната оценка на државната матура е 3.69 за разлика од лани кога изнесуваше 3.26

172 ученици препишувале на матурата, и тие ќе имаат право повторно да полагаат во август. Подобриот успех не се должи на полесни прашања, напротив прашањата биле и потешки но, концепирани да бидат полесно разбирливи. Според министерката Весна Јаневска има сеуште многу што да се менува за да се подобри образовниот систем, но важно е дека промените започнале и веќе се гледаат првите резултати

Подобри резултати се забележани на испитот по мајчин јазик, но значително повисоки се по математика. Минатата година на тестот по математика оценката била 3,73, а годинава 4.14 или 651 ученик од вкупно 1.239 кои полагале математика добиле петка. Од државниот испитен центар изразуваат задоволство за успешно реализираната матура како и за повисоката оценка

Годинава за полагање се пријавиле 15 004 ученици, а не дошле на испит помалку од 3 отсто. Матурантите кои во јуни не ја положиле државната матура или не во целост, ќе  полагаат во августовската сесија на 12 и 14ти август. За двата дена пријавени се вкупно 1118 ученици.