Бубрежно болните кои живеат на дијализа единствен спас гледаат во трансплантација. 33 годишната Бранкица Размоска шанса да си го промени животот и да се спаси од апаратите за дијализа, гледа во транплантација на бубрег од кадавер, односно од починат донор. Таа е на листата на чекање веќе седум години.
Шанса за поквалитетен живот исто како Бранкица чекаат околу 100 -тина пациенти. Ацо Петковски и Сунчица Петровска пред една година ја поминале операцијата за трансплантација на бубрег, па сега велат дека животот им е многу полесен, за разлика од маките кои ги тегнеле по болниците на дијализа.
Пациентите бараат современи лекови и поголем број на кадаверични трансплантации.Од надлежните добија подршка и најава дека наскоро ќе има и нова современа терапија која, ако се оди според планот, ќе биде на позитивна листа.
Од министерството за здравство вчера најавија дека ќе се менува законот за трансплантација на органи. Новина ќе бидат донорски картички. Со сегашното решение, некои од потенцијалните донатори се премислуваат со што се урива целата процедура за органодарителство.