Засилени контроли и казни. Надлежните имаат конкретен план како ќе постапуваат на терен откако ќе се изгласа предлог законот за забрана за пушење. Вкупно 300 инспектори, од кои 120 пазарни и 180 трудови, ќе вршат засилени контроли низ целата држава. Министерот за економија Бесар Дурмиши е уверен дека ваквиот пристап ќе даде резултати за колективното здравје. Најави дека нема да има толеранција за прекршителите, без разлика дали станува збор за физички или правни лица.
Со цел ефикасна примена на Законот за забрана на пушење, 40 пазарни инспектори интензивно се обучуваат за спроведување засилени теренски контроли.
Измените на Законот за забрана на пушење ќе донесат низа рестрикции, кои ќе опфатат 16 типови објекти каде пушачите нема да смеат да запалат цигара.Oбразовни институции, здравствени установи, државни и јавни институции,спортски сали и објекти за рекреација забраната ќе важи и за јавниот превоз.
Освен ригорозните правила, ќе има и високи казни. Граѓаните затекнати како пушат на забранети места ќе се соочат со парични казни од 100 до 300 евра, со можност истите да ги заменат со општокорисна работа. За правните лица, казните се значително повисоки и можат да достигнат и до 5.000 евра, додека одговорните лица во објектите ќе сносат дополнителна одговорност.
