Со полагање на свечена заклетва 59 питомци и слушатели од Kурсот за офицери и штабни службеници станаа дел од македонската Армија. Заветот дека ќе го бранат тетриторијаниот интегритет и суверенитет на Македонија дадоа 31 питомец и 28 слушатели.
Добро е што академијата е отворена не само за апликантите од земјава туку и за оние од надвор – вели претседателката на државата и врховен командант Гордана Сиљановска-Давкова.
Униформите кои гордо ги носите нека ве потсетуваат на одговорноста и вредностите кои ги браните затоа што вие припаѓате на едно големо армиско семејство – им порача министерот за одбрана Владо Мисајловски.
Деканот на воената акедмија на 29-та генерација питомци и слушатели им порача дека дале заклетва пред себе и својата историја, дека ќе ја чуваат Македонија со дисциплина, одговорност и љубов.
На свечената заклетва во Воената академија „Генерал Михаило Апостолски“ присуствуваа началникот на Генералштабот на армијата, генерал-мајор Сашко Лафчиски, високи претставници од Министерството за одбрана и армијата, претставници од воено – дипломатскиот кор.
Давид Крстевски