Струковиот синдикат на контрола на летање повеќе нема да може да организира штрајк, бидејќи Апелациониот суд ја одби нивната жалба и ја потврдил претходната одлука на Основниот граѓански суд во Скопје. Според судот, овој синдикат нема законско право самостојно да организира штрајк, затоа што е само подружница на синдикат, а не функционира како независен синдикат. Од М-НАВ велат дека право да организира штрајк има само Независниот синдикат на сообраќај и врски. Адвокатот на М-НАВ вели дека тие не го спорат правото на штрајк туку бараат само релевантен партнер со кој што би ги унапредиле правата на вработените.
– Напоменуваме дека судовите ги усвоија трите тврдења што беа истакнати на М-НАВ, дека штрајкот не содржи права за заштита од право на работен однос, дека штрајкот е закажан надвор односно без спроведување на задолжителна постапка за посредување и воедно дека ССКЛ воопшто нема правен легитимитет.- истакна Горан Николоски, овластен застапник на М-НАВ
Николоски додава дека со ваквата пресуда се поставува прашање дали и претходните штрајкови од страна на ССКЛ биле законски.
– Самата пресуда на Основниот граѓански суд Скопје потврдена со пресудата на Апелациониот суд го дава одговорот на тоа прашање, дека и претходно организираните штрајкови ос трана на ССКЛ биле организирани спроведени и реализирани надвро од законските прописи на Република Македонија–истакна Горан Николоски, овластен застапник на М-НАВ
Спорниот штрајк беше најавен за 20 октомври 2025 година, кој со одлука на Управен суд беше стопиран. Синдикатот тогаш бараше од раководството да запре со вработувања на нестручен кадар, да обезбеди одобрение од Министерството за финансии за оглас за нови контролори на летање и инженери, како и распишување тендер за избор на независна меѓународна агенција што ќе изработи анализа за моменталната состојба и потребите на агенцијата.