Заменик претседателот на Владата и министер за транспорт, Александар Николоски и членови на неговиот кабинет во наредните три дена ќе престојуваат во САД. Предвидено е да има средби во Светска банка и Стејт Департментот, информираат од ресорното министерство. Стратешките пан-европски коридори во Македонија како и инфраструктурните проекти што ги реализира Владата, со силен акцент на актуелната изградба на автопатски делници, како и планираната изградба на брза пруга на Коридорот 10 и железничкото поврзување со Бугарија на Коридорот 8, ќе бидат дел од неговото обраќање на годишниот форум насловен како ,,Transforming Transportation 2026″.
Николоски ја има честа да се обрати како еден од главните говорници.
На сесијата, како што соопшти Министерството за транспорт и врски, Николоски ќе се обрати заедно со еврокомесарот Апостолис Цицикостас.
На настанот се предвидени се и бројни средби со менаџментот на Светска банка каде што е планирано да се зборува за тековните и идни проекти што ги реализира Владата и Министерството за транспорт во партнерство со СБ.
.„Николоски ќе ја искористи посетата на САД и за средби со високи претставници во Стејт департментот каде што ќе разговара за партнерството и економската соработка помеѓу Македонија и САД како стратешки партнер на државата. За време на посетата, Николоски ќе има и средби со претставници на Републиканската партија“ соопшти Министерството за транспорт и врски.
