Екс-градоначалничката на Скопје, Данела Арсовска, како да ја фаќа паника откако новиот градски татко Орце Ѓеорѓиевски обелодени дека по само неколку дена на функција затекнал катастрофална состојба во градот.
Таа на Фејсбук, со недоличен речник, го повика Ѓеорѓиевски јавно да ги објави сите фирми со долгови како и сите отпуштени од работа, а го повика и на ТВ дебата за да ги соочат фактите. „Ако сакаш како маж да соочиш аргументи, ајде на дебата на ваш медиум по избор, па ќе си раскажеш таму и за долг и за вработени во Скопје и во Кисела Вода, каде што има кој да ти врати со факти наспроти твоето лажење“, напиша Арсовска.
Инаку, реакцијата на Арсовска следи откако Ѓеорѓиевски обелодени дел од хаосот во Скопје, како на пример дека долгот што го наследил од неа во јавните претпријатија е над 300 милиони евра, дека само досега се отпуштени 500 работници кои добивале плата, а не оделе на работа, и дека во Комунална хигиена имало само 16 камиони за отпад кои биле функционални.
