🎥 Нема договор за паркингот на Клинички – синдикатот бара итна средба со министерот Алиу

Се уште не е потпишан договорот помеѓу Министерството за здравство и градски пакринг Скопје за “паметен” паркинг на Клинички. Директорот на претпријатието во телефонски разговор за Алфа, не кажа детали околу договорот колку би била цената и до кога би се реализирал проектот со нови рампи и нови паркинг места.

Од Синдикатот на Клинички пак, бараат итна средба со министерот Алиу. Па потоа ќе се изјансат, дали идејата за менување на ценовникот за паркирање и целосна негова дигитализација ќе бидат прифатливи за вработените во комплексот клиники.

“Бараме итна средба во понеделник со министерот Азир Алиу. Според наши информации, не било дообјаснето во целсот како ќе функционира паркингот.После состанокот ќе го кажеме нашиот став како Синдикат на Клинички” – велат од Синдикатот на Клинички.

Цената за паркирање на скопските клиники најверојатно ќе поскапи, но пациентите ќе плаќаат помалку од вработените – таков е планот на Министерот за здравство. Азир Алиу најави каскаден систем со цени различни за сите кои влегуваат во кампусот Мајка Тереза.

Според новиот проект, се предвидува да не се градат нови две катни гаражи, а да се реорганизира дворот на кругот околу клиниките со што би се добиле двојно повеќе паркинг места.

Ќе има нови рампи, а ќе бидат отворени и дополнителни влезови еден од нив ќе биде директниот влез на Кардиологија. Излезите од комплексот ќе бидат исти.

Досега, како краткорочна мерка на министерот Алиу која се презентираше пред два месеци беше пренасочувањето на вработени од клиниките да паркираат на приватен паркинг за да бидат ослободени 300 до 500 места за пациенти. Долгорочната идеја засега е оптимизација на просторот околу дворот на Клиниките.

Со години наназад на скопските клиники е вистински сообраќаен хаос и болни со часови бараат слободен паркинг наместо да чекаат пред амбуланта.