Народниот правобранител ќе истражува низ каква голгота поминува Александар Јаневски Тошта, во штипскиот затвор. Алармот за изживувањата врз еден од осудените за 27 април го слушнал и Насер Зибери, но до него се уште не пристигнала претсатвка за случајот кој го обелодени Алфа. Сепак правобранителот е подготвен да реагира и да увиди што навистина се случува во затворот во Штип.
За голготата на Тошта кој е сместен сам во четири ѕида со денови алармира неговата сопруга Тања Јаневска. И покрај заканите кои што ги добивала да замолчи, таа продолжува да бара помош и правда за нејзиниот сопруг. Тој заврши во самица како казна за бегство, а всушнсот Тошта беше задржан во Охридската болница поради хируршка интервенција на неговото срце за што затворскарта управа добила и известување.
Сопругата на Тошта неколкупати излезе јавно на Алфа телевизија да ја раскаже тортурата која ја преживува нејзиниот сопруг во затворот. За потоа да добие и закани од затворските власти во Штип каде што преку нејзиниот сопруг и беше пренесено дека ако уште еднаш даде изјава – Тошта ќе продолжи во самица. Семејството не се плаши од заканите, сопругата е решена правдата да ја тера докрај.
Инаку, Александар Јаневски Тошта е еден 16-те осуденици за настаните во Собранието што се случија на 27 април 2017-та.
