По појавувањето на видео запис на социјалните мрежи на кој се гледа како млад човек стои на хауба од движечко возило без регистарски таблици, Министерството за внатрешни работи веднаш презело мерки за идентификација и санкционирање на вклучените.
Како што информираат од МВР, по преземените активности, групата млади луѓе се идентификувани и со нив е извршен службен разговор. Против нив ќе бидат поднесени соодветни поднесоци согласно Законот за безбедност на сообраќајот на патиштата и Законот за возила.
Дваесетгодишниот возач С.З. се товари за: превезување лице на надворешен дел од возило, управување возило без возачка дозвола и управување нерегистрирано возило. Деветнаесетгодишниот Р.Ѓ., момчето што стоеше на хаубата, ќе одговара за: дозволување управување возило на лице без дозвола и загрозување на сопствената безбедност.
Од СВР Скопје најавуваат и дополнителни мерки за целосно расчистување на случајот, апелирајќи до граѓаните за одговорно однесување во сообраќајот и почитување на законските прописи.
