Цените на горивата во Македонија варираат од пумпа до пумпа. Некаде се точи гориво по максималните цени до 86,5 денари за литар бенизн или 92 денари за дизел. Но, кај други пак, истите горива се поевтини за околу 2 денари по литар, поради попустот кој што го даде најголемиот снабдувач ОКТА. И покрај зголемувањето на цените на горивата, од Регулаторна посочуваат дека трговците можат да имаат и помали цени од уврдените, пред се доколуку се откажат од максимналните маржи. Воедно, им се укажува на нафтените компании да ги намалат цените за два денари по литар, согласно договорениот попуст со Владата и главниот снабдувач ОКТА, со цел граѓаните директно да го почувствуваат олеснувањето…од Макпетрол алармираат дека од ОКТА до нив засега се уште нема официјално известување за пониски цени.
“И покрај тоа што во јавноста се појавија информации дека набавната цена на дизелот ќе биде намалена, до „Макпетрол“од страна на ОКТА не е пристигнато официјално известување врз основа на која што би се промениле договорните услови помеѓу двете компании. Наместо тоа, од страна на добавувачот и понатаму се испраќаат фактури во полна сума, односно без најавениот попуст” – велат од Макпетрол.
Од ОКТА демантираат и тврдат дека попустот веќе се применува и е наменет за сите компании.
“Оваа придобивка е обезбедена преку кредитни одобренија издадени на 13 март 2026 или директно е пресметана во фактурите за продажба издадени на 16 март 2026, со што се овозможува негова целосна практична примена. Иницијативата е доброволна и им овозможува на трговците да ја пренесат придобивката на крајните потрошувачи. Сепак, трговците на големо и мало, имаат целосна слобода самостојно да ги одредат своите продажни цени.” – велат од ОКТА.
Граѓаните пак, велат ваквите цени биле очекувани, но сепак ќе значат дополнителен удар врз домашниот буџет.Дел пак, се надеваат дека цената на нафтата ќе се намали.
По промените на цените од денеска, цената на бензинот достигнува највисоко ниво во последните речиси 2 години. Дизелот пак руши ценовен рекорд стар безмалку 3 ипол години по пиковите во ноември 2022 кога последен пат се беше над 90 денари за литар, откако летото истата година ја достигна највисоката цена од 110 денари. За само две недели, од стартот на кризата на Блискиот Исток дизелот поскапе за дури 21 денар а бенизнот скокна за 12.
