Само во првата недела од официјалниот почеток на летната сезона спасителите на вода се соочиле со над сто интервенции на укажување на прва помош.Ваквиот биланс на инцидентиго вклучи алармот од потребата да се ангажираат спасители на сите плажи и капалишта. Во моментов во Охрид од 34 капалишта на крајбрежјето само на 8 плажи се воспоставени безбедносни критериуми со ангажман на спасители.Во соседна Струга во ек на сезоната, на капалиштата не се обезбедени нити најнеопходните мерки за безбедно функционирање,спасители има само на една плажи. Онаму каде што нема спасители, капалиштата се потполно небезбедни и треба да се избегнуваат,укажуваат од охридскиот Црвен крст.
“За жал таква е ситуацијата, ние сме тука колку можеме да помогнеме со спасителите но и со патроли, бидејќи на овие капалишта кои што не се на некој начин уредени, сепак доаѓаат гости, доаѓаат капачи,доаѓаат туристи гледаме да излеземе во пресрет да имаме некои патроли кои што не можат да бидат 24 часа,но во одреден период од денот, во најфреквентните денови да имаме патроли на медицински тимови и на тимови на спасители на вода”-вели Сашо Точков-Црвен крст, Охрид.
Никаде, на ниту една плажавдолж целото охридско-струшко крајбрежје не е поставена табла на која согласно правилникот треба да стои дека капалиштето е небезбедено,вели Точков. Тој апелира до сите оние кои стопанисуваат со плажите да обезбедат час поскоро спасители, бидејќи во спротивно, ако се случи немил настан,одговорноста ќе биде нивна. Згора на се’ треба да се има предвид дека бројот на спасители последниве 4 години е многу мал.Младите не само што заминуват надвор од државава посебно во лето, туку избегнуваат работа која што носи одговорност.
“Ако може нешто на телефон со титкање тоа е најлесна работа и младите за жал не сите нормално, се повеќе фокусирани на такви работи.Тоа е проблемот што имаме се помал интерес за оваа професија и нормално голем дел од спасителите 480 спасители имаме обучено, останавме на двоцифрена бројка затоа што рачунајте дека голем дел од спасители се иселија во други држави заради економската состојба, дел од нив работат и како спасители и ја користат таа легитимација, тој сертификат”-вели Точков.
Во една ваква ситуација со крајни напори се обидуваме да излеземе во пресрет и да одржуваме безбедност на капалиштата на охридско-струшкото крајбрежје. Мора да бидеме будни вели Точков,потенцирајќи дека лани имале 14 интервенции на спасени давеници и 840 интервенции на укажување прва помош само во Охрид.
Росица Голабоска
