Од четворица кандидати за државен јавен обвинител за кои Советот на јавни обвинители даде позитивни мислење, на владината листа се три имиња, а меѓу нив не е и поранешната обвинителка од СЈО, Ленче Ристоска, откри премиерот Мицкоски во интервју.
Владата сѐ уште го нема добиено записникот од Советот на јавни обвинители, па официјално ќе се произнесе откако ќе го добие. Со реакција се јави обвинителката Ристоска, која вели дека кога кандидат однапред се исклучува, тоа отвора прашања за природата на критериумите што се применуваат и дека изборот мора да биде заснован на квалитет, а не на подобност. Возвратија од ВМРО-ДПМНЕ.
Од партијата одговорија – обвинителката Ристоска мора да е свесна дека има јасни критериуми за позицијата државен јавен обвинител и дека ако таа е навикната подобноста да е еден од нив, како што тоа беше во Специјалното јавно обвинителство каде таа беше десна рака на Катица Јанева, тоа овој пат не е случај. „Ова се други времиња и потребни се интегритет, професионалност и одговорност“, се наведува во партиското соопштение.
