МВР сè уште не знае кој е инспекторот кој одвраќал жртва на семејно насилство да го пријави истото
-Јас се вратив во полиција и со повреда на глава инспекторот ме одвраќаше од тоа да одам до крај со пријавувањето, сведочеше Ирена Димоска пред камерата на Тв Алфа, зборувајќи за голготата низ која поминала додека преживувала семејно насилство од својот поранешен сопруг.
Kој е инспекорот кој одвраќал жртва на семејно насилство да го пријави истото и покрај тоа што жртвата имала видлива повреда на главата? Кој е инспекторот кој прикрил случај на семејно насилство? Дали е само ова насилство кое спречил да се пријави или има и други? Дали против него се превземени санкции? МВР не одговара на овие прашња кои им ги поставивме.
Иницијатива за да се дознае можеби имало, затоа што кратко откако Телевзиија Алфа ја објави нејзината животната приказна, Ирена добила повик од СВР Битола. Таа инсистирала да добие писема покана со образложение зошто ја повикуваат на разговор.
-Јас и’ реков на госпоѓата што ми се јави ќе ве молам испратете ми писмено барање бидејќи сакам да повикам адвокат, сакам да присуствува на средбата. „Па зошто да доаѓа адвокат, не те викаме за нешто страшно, ние само ќе си разговараме да ми го опишеш инспекторот.“ Јас инситирав дека сакам адвокат да присуствува, ама писмено барање потоа не добив. Таа ми рече дека ќе испрати ама се уште немам добиено, објаснува Ирена Димоска.
Една од причините зошто жртвите на семејно насилство не се осмелуваат да го пријават истото е токму недовербата во институциите.
–Првично рекацијата дека ти се јавуваат од полиција е страв. Сега што сакаат? Не очекуваш дека тие ќе го бараат инспекторот, туку очекуваш дека е напад за тебе. Кога одиме по инситуции такво ни е искуството, дека ќе треба нешто да потпишуваме и дека ќе се испреврти приказната за нешто друго, вели таа.
Најновите статистиките на ООН покажуваат дека секоја трета жена барем еднаш во својот живот доживеала или ќе доживее некоја форма на семејно родовобазирано насилство.
Во периодот од 2017 до 2020 година во Македонија 22 жени биле убиени од страна на своите насилни партнери. А македонската јавност остана во шок кога за само еден месец во 2023 година, дури три жени беа убиени, токму како резултат на ненавременото и непрофесионално работење на институциите.
Последниот случај во Кичево, кога татко си ја претепа 2-годишната ќерка, покажува дека насилниците немаат милост ни кон најмилото.
