Денеска посетив Белград, каде што се лекуваат најголемиот број македонски граѓани испратени на лекување во странство, објави министерот за надворешни работи и надворешна трговија, Тимчо Муцунски.
„На одвоените средби со претседателот на Владата на Србија, Милош Вучевиќ, и министерот за надворешни работи, Марко Ѓуриќ, изразив искрена благодарност за приемот на македонските пациенти, како и за силната поддршка и високото ниво на медицинска грижа што ја обезбедуваат српските здравствени институции.
Заедно со заменик-министерот за здравство, Јовица Андовски, ги посетивме болниците каде што се лекуваат повредените пациенти и добивме детални информации за нивната здравствена состојба.
Македонската влада обезбедува сместување за семејствата на македонските пациенти во странство, а нашите дипломатско-конзуларни претставништва остануваат на располагање за секоја потребна помош и поддршка“, истакна Муцунски.
