Во рамки на посетата на Шведска, остварив средба со државниот секретар за меѓународна развојна соработка и надворешна трговија, Хакан Јеврел, објави министерот за надворешни работи и надворешна трговија, Тимчо Муцунски на неговиот Фејсбук профил.
– Разговаравме за унапредување на економската и трговската соработка меѓу двете земји, потенцијалот за нови шведски инвестиции и поволностите што ги нуди нашата држава за инвестирање. Ја потврдивме подготвеноста за заеднички напори во насока на привлекување инвестиции и натамошно продлабочување на економските односи, напиша Муцунски на фејсбук.
