Поранешната шефица за надворешни работи на ЕУ, Федерика Могерини, и уште две лица, се ослободени откако беа приведени на сослушување во истрага за измама, соопшти денеска Канцеларијата на Европскиот јавен обвинител.
Тројцата осомничени беа известени за обвинувањата против нив, кои вклучуваат измама во јавните набавки, корупција, судир на интереси и кршење на професионална тајна.
Могерини и останатите двајца беа ослободени бидејќи не постоел ризик од бегство.
Европската служба за надворешни работи и Колеџот на Европа се во центарот на истрагата за измама во врска со курс за обука на дипломати, финансиран со пари од ЕУ.
Могерини, поранешна италијанска министерка за надворешни работи, моментално е директорка на Дипломатската академија на Европската унија и ректор на Колеџот на Европа. Претходно беше раководителка на Европската служба за надворешни работи.
