Поради влошената безбедносна состојба во Исламска Република Иран, Министерството за надворешни работи апелира до македонските државјани кои се наоѓаат на територијата на оваа држава да ја напуштат „во прва можна и безбедна прилика“.
Воедно, МНР препорачува сите патувања кон Иран што не се неопходни да бидат одложени до стабилизирање на ситуацијата.
Од Министерството информираат дека на располагање се ставени сите дипломатски и логистички капацитети за поддршка на македонските граѓани во регионот. За асистенција функционира 24-часовен СОС дежурен телефон: +389 75 268 736, како и електронската адреса [email protected].
Дополнително, активен е и дежурниот телефон на дипломатско-конзуларното претставништво на Македонија во Анкара: +90 539 456 97 10.
