Министерот за одбрана, Владо Мисајловски, денеска оствари средба со новоименуваната амбасадорка на Јапонија во Република Северна Македонија, Н.Е. Сецуко Кавахара, на која ѝ посака успешно извршување на дипломатската мисија и успешна соработка во годините што следат.
„Јапонија е наш долгогодишен и ценет партнер, пријател и силен поддржувач на глобалната безбедност и стабилност. Нивната континуирана поддршка значајно придонесува кон јакнењето на нашите национални капацитети“, изјави министерот Мисајловски.
Во фокусот на разговорот беше унапредувањето на билатералните односи, со посебен акцент на развојот на одбранбената соработка, размена на искуства и добри практики во областа на одбраната.
