Министерството за култура и туризам демантира: Платите се исплатени за 123 институции, проблемот е во недоставената документација од Град Скопје

Министерството за култура и туризам информира дека се изработени платите за вработените во вкупно 123 институции од областа на културата – 74 национални и 49 локални. Од таму ги демантираат обвинувањата на Синдикатот на културните работници на Македонија (СКРМ) дека Министерството не ги изработило платите за локалните институции.

„Министерството веднаш ги пресметува платите штом се достават од страна на општините и истиот ден ги проследува до Министерството за финансии за исплата“, се наведува во соопштението.

Дополнително, Министерството појаснува дека Градот Скопје сè уште нема доставено комплетна документација за пресметка на платите за институциите под негова надлежност, меѓу кои: Библиотека „Браќа Миладиновци“, Дом на културата „Кочо Рацин“, Зоолошка градина – Скопје, Детски културен центар – Карпош, Универзална сала, Младински културен центар – Скопје, Музеј на Град Скопје и Културно-информативен центар – Скопје.

.