Владата донесе одлука да додели три милиони денари премија за ракометарите кои настапија на Светското првенство кое неодамна се одржа во Хрватска.
Ова го соопшти премиерот Христијан Мицкоски кои заедно со министерот за спорт Борко Ристовски ги прими македонските репрезентативци.
Мицкоски им честита за борбеноста, пожртвуваноста и претставувањето на Македонија на ова престижно натпреварување.
„Во име на Владата и во мое лично име, сакам од срце да им честитам на нашите ракометари за одличниот настап и за гордоста што ни ја донесоа со своите храбри игри во Хрватска! Вие повторно покажавте дека со борбен дух, посветеност и заедништво можеме да ги поместиме границите на можностите и да ја претставиме Македонија во најдобро светло“ вели Мицкоски.
