Резултати поголеми од очекувањата. Економскиот раст во третиот квартал достигна 3%. Премиерот Мицкоски е задоволен од постигнатото во услови на сложени економски и геополитички прилики и слаби перформанси во првиот квартал за време на техничката влада. Тој посочи дека остварениот раст е еден од најголемите во Европа и на Балканот. Повисоки стапки на раст Мицкоски очекува во последниот квартал, кога се регистрирани и поголеми приливи по основ на даноци, придонеси и царини. Годината според него може да заврши во позитива од 3%. За потсетување, владата во ребалансот напиша дека очекува пораст од 2.1, а Светска Банка 1,8% зголемување на економските активности.
Премиерот очекува забрзаните економски активности да продолжат и во 2025-та година. Развојот треба, според него, да го покрене инвестицискиот циклус од околу 800 милиони евра, кој се темели на кредитите за фирмите и капиталните инвестиции на општините во вкупна вредност од 500 милиони евра, пари обезбедени од заемот од Унгарија.
Во 2025-та година, ќе има и забрзана изградба на Коридорите 8 и 10, како и рекордно ниво на капитални инвестиции од над 800 милиони евра. Буџетот з адогодина ќе с еразгледува на Пленарна седница во Собранието следната недела. Министерката за финансии Димитриеска- Кочоска го креираше буџетот од 6 и пол милијарди евра врз основа на проекции за економски раст од 3,7% следната година.
