Потрошувачка кошничка за самец, за брачен пар, пензионери, тричлено и четиричлено семејство. Премиерот Мицкоски предлага да се прави различна пресметка за да се видат различните потреби на граѓаните. Моделот на петте потрошувачки кошнички Мицкоски ќе го презентира на следниот ЕСС кој треба да се одржи наскоро бидејќи веќе е утврдена репрезентативноста на синдикатите . Намерата на Владата да прави државна потрошувачка кошничка беше искажана во неколку наврати. Целта е да се коистат податоци од државниот пазарен инспекторат и од државна статистика што ќе помогне за креирање на мерки за заштита на животниот стандард. Засега кошничката ја пресметува ССМ а истата покажа зголемување од 630 денари во однос на минатиот месец….
Во однос на економските параметри премиерот изразува задоволство за тоа што се покажува реален раст во одредени сектори. Забележан е раст на извозот на земјоделските производи за привте пет месеци за скоро 70 отсто во споредба со лани што е охрабрувачки податок. Мицкоски најавува дека Владата ќе продолжи да ги поддржува земјоделците но фокусот ќе биде на оние кои вистински произведуваат.
Нашиот фокус како Влада е да ги помагаме земјоделците, тие да произведуваат за да може и да извезуваат, но и да ги задоволат трпезите на македонските граѓани. Така ќе продолжиме и во иднина, со тоа што планираме тој систем на субвенционирање да биде насочен кон вистинските земјоделци. Кон оние коишто вистински произведуваат, а не кон оние малкумина коишто се обидуваат на грбот на земјоделците да профитираат. Така функциониравме и до сега, така ќе продолжиме да функционираме и понатаму , рече Мицкоски.
Забележан е и раст на прометот во индустријата кој оди и до 20 отсто. Според премиерот позитивно е тоа што во услови на неизвесност на европскиот пазар особено во автомобилската индустрија расте извозот што всушност е главниот параметар кој го зголемува прометот во индустријата.
