Премиерот и претседател на Владата Христијан Мицкоски од митингот на ВМРО-ДПМНЕ и коалицијата во рамки на кампањата за вториот круг од Локалните избори 2025 што треба да се одржат на 2 ноември.
На овие локални избори граѓаните дадоа поддршка на кандидатите на ВМРО-ДПМНЕ во историски размери како никогаш досега. – Во 59 општини коалицијата предводена од ВМРО-ДПМНЕ или освои градоначалник или е на првото место како што е случајот овде во Дојран или пак е многу блиску до првото место. Такви се шест општини каде што разликата се брои во една или пак во две цифри. Јас сум убеден дека на овие 33 градоначалници кои се избрани во првиот круг, ако се додадат овие два бидејќи противниците се откажаа, веќе се 35, дека ќе се додадат преостанатите 24 и бројката ќе биде 59. Ние се борриме за секој еден човек, за секое едно место, за секого мора да се потрудиме до максимум, рече Мицкоски.
Мицкоски кажа дека во 58 општини ВМРО-ДПМНЕ и коалицијата победија со апсолутно или со убедливо мнозинство, за што оцени дека е историски успех и резултат. ВМРО-ДПМНЕ, е партија која легитимитетот го добива од граѓаните, и како што вели Мицкоски, таа доверба нема да се изневери и само ќе се надградува.
– ВМРО-ДПМНЕ е партија која што својот легитимитет го добива, тој легитимитет извира од граѓаните. И ние со нашето работење нема никогаш да дозволиме таа доверба да ја прокоцкаме, таа ја доверба да ја изневериме, туку напротив ќе се трудиме со нашето работење да покажеме и докажеме дека сме ја заслужиле таа доверба и дека само ќе ја надградуваме, истакна Мицкоски.
Оние, кои според него, работат искрено, чесно и трудољубиво да ја оправдаат довербата и на кои граѓаните им ја даваат довербата се денешните современи патриоти, асномци и илинденци, а не тие кои се кријат зад црни кампањи и ад хоминем напади.
– Секој оној, кој добил можност, ја добил довербата на граѓаните, и кој работи напорно, чесно, трудољубиво, кој е вреден, кој не се однесува надмено, туку напротив, се однесува понизно кон граѓаните, кон народот кој го избрал, е денешниот современ патриот, е денешниот гемиџија, е денешниот илинденец, асномец, а не оној кој што седи зад статусите и се крие со лажни имиња, кој навредува, кој лаже, кој води црни кампањи, кој напаѓа ад хоминем, со ниски страсти. Тие не се патриоти, тие се измамници, рече Мицкоски.
