Со пуштањето во употреба на важни инфраструктурни проекти, како експресниот пат Куманово-Крива Паланка, делницата Градско-Дреново-Фариш од Коридорот 10Д и првиот дел од пругата Куманово-Бељаковце, владата започна годинава со реализација на значајни инвестиции, вели премиерот Христијан Мицкоски на својот Фејсбук профил.
„Годината ја започнавме со пуштање во употреба на важни инфраструктурни проекти: експресниот пат Куманово-Крива Паланка, делницата Градско-Дреново-Фариш од Коридорот 10Д и за неколку дена, првиот дел од пругата Куманово-Бељаковце.
Наместо да ги оставиме како споменици на минато лошо време, одлучивме да ги завршиме и пуштиме во употреба, користејќи ги вложените народни пари за подобрување на иднината, наместо за празни политички изговори“ напиша во објавата Мицкоски.
