Три нови германски инвестиции во Македонија – најави претседателот на Владата, Христијан Мицкоски. Најголемата ќе биде ветерен парк кај Куманово, Ранковце, Крива Паланка и Старо Нагоричане, вредна преку 400 милиони евра. А до крајот на годината, според премиерот, две германски компании ќе почнат да вложуваат, едната, веќе присутна во земјава, ќе гради нов производен погон, а другата ќе стартува сосема нова гринфилд инвестиција.
“Струјата што ќе ја произведуваат, ќе ја продаваат на пазарот. За жал, четири години таа инвестиција не биле во можност да ја реализираат од причини кои не би ги коментирал сега во јавноста, ќе треба истражните органи да се позанимаваат. Но, веќе задолживме луѓе од Кабинетот што ќе ја следат на дневна основа реализацијата на оваа инвестиција која ќе значи уште еден чекор напред кон зелената транзиција, односно производство на електрична енергија од обновливи извори” – изјави премиерот Мицкоски.
Економијата е стабилна вели Мицкоски, тој не очекува турбуленции со цената на струјата по Нова Година. Според него зимата ќе биде тешка поради војната во Украина што ќе притиска за зголемување на цената на струјата на берзите, но, е уверен дека имаме доволно енергетски капацитети за да се справивме со ситуацијата.
„Во овој момент работиме на консолидирање на електроенергетскиот сектор и мислам дека Регулаторната комисија за енергетика ги прави пресметките. Кога тие ќе бидат готови ќе донесеме одлука којашто е најважна и најдобра за граѓаните“ – рече Мицкоски
Мицкоските говореше и за катастрофалните состојби во кој ЕСМ бил оставен од претходната власт. Наследиле долг од пет милијарди денари, кој сега мораат да го вратат. Премиерот вети дека во текот на мандатот ќе биде укината таксата за пристап до мрежата, за која граѓаните плаќаат 200 денари месечно.
Што се донесува до состојбата во земјоделието, Мицкоски рече дека Владата се фокусира на редовна исплата на тековните субвенциите но и враќање на старите долгови.Тој најави мерки и проекти за враќање на достоинството на македонските земјоделци.
