Патување во Обединетите Арапски Емирати без визи. Македонските граѓани ќе имаат привилегија слободно, односно без бирократски процедури да патуваат во една од економски најмоќните земји на Блискиот Исток. Веста за ова ја сподели премиерот Христијан Мицкоски, кој уште вчера од собраниска говорница најави дека денеска ќе се обелодени првата од серијата поволни вести поврзани со Обединетите Арапски Емирати каде неодамна тој и висока владина делегација беа во посета на разговори со највиоскиот државно економски врв.
„На наше барање, тие ги укинуваат визите кои беа потребни за патување кон оваа земја.
Наскоро со конкретната примена на одлуката за безвизното патување ќе се влијае на посилна економија, слободно патување, зајакнување на меѓусебното партнерство.
Се бориме на секој можен начин да се помогне на нашите граѓани, и со секој ден да се носат промени за заедничката иднина. нека е честито“, напиша премиерот Мицкоски на социјалните мрежи
