Силна енергија, визија и заедништво, кои ја потврдуваат улогата на Европската народна партија, чиј нераскинлив дел е и ВМРО-ДПМНЕ, како двигател на европските вредности, демократијата и стабилноста. На 50 годишнатата од формирањето на најголемото европско политичко семејство, премиерот и претседател на владејачката партија Христијан Мицкоски, на заедничка маса со бројни европски лидери дискутираше за клучните прашања за идинината на целиот континент и за посилна Европа за сите, но и за побрзи евроинтеграции на Македонија, врз основа на исполнувањата.
-Размената на идеи, искуства и визии беше од особено значење, а атмосферата беше исполнета со енергија, соработка и заедничка посветеност кон европските вредности. Овој самит претставуваше одлична можност за продлабочување на партнерствата и за зајакнување на улогата на нашата земја во европските процеси. Убеден сум дека ваквите средби придонесуваат за подобра иднина и посилна Европа за сите нас, порача Мицкоски.
Покрај централната прослава за 50 годишнината на Европската народна партија, Мицкоски присуствуваше и на Самитот на лидерите на партиите од европската десница. Премиерот порача дека наш посебен интерес преставуваат разговорите околу проширувањето на Европската Унија, но и се она што е постигнато во делот на реформите.
-Ќе разговараме за економската перспектива на европскиот континент. Се разбира ќе разговараме за глобалните предизвици, војната во Украина, војната во заливот во Иран, но исто така ќе зборуваме и за зголемвуање на компетитивноста. Она што претставува наша цел и она кое претставува наш посебен интерес е разговорот околу проширувањето на самата Европска Унија, но и сите оние постигнувања и реформи кои што изминатите месеци како ВМРО-ДПМНЕ, односно како македонска Влада ги постигнавме, изјави Мицкоски.
Во рамки на посетата на Брисел, Мицкоски оствари и билатерална средба со премиерот на Хрватска Андреј Пленковиќ. Од ВМРО-ДПМНЕ информираа дека посетата која завршува утре, ќе биде искористена и за дополнителни средби со претседатели, премиери и политички лидери од европската десница.
Матеја Петровски