Претседателот на ВМРО-ДПМНЕ, Христијан Мицкоски, на 29 и 30 април ќе учествува на Конгресот на Европската народна партија (ЕПП) што ќе се одржи во Валенсија, Шпанија. Тој ќе предводи партиска делегација составена од потпретседателите Александар Николоски и Тимчо Муцунски, меѓународниот секретар Стефан Андоновски, претставници на Унијата на жени на ВМРО-ДПМНЕ, предводени од претседателката Жаклина Пешевска, како и претставници на Унијата на млади сили.
Како што информираат од партијата, Мицкоски ќе има обраќање на првата пленарна сесија на Конгресот, а ќе оствари и повеќе билатерални средби со европски лидери. Меѓу најавените средби се тие со австрискиот премиер и лидер на сестринската партија ОВП, Карл Нехамер, претседателот на Српската напредна странка и поранешен премиер на Србија, Милош Вучевиќ, како и со поранешниот премиер и претседател на Албанија и актуелен претседател на Демократската партија на Албанија, Сали Бериша.
Мицкоски ќе присуствува и на свечената вечера организирана за лидерите на ЕПП.
