„Не заборавајте дека најдоброто од нашата историја е пишувано со жртва, доблест и единство. Денес, повеќе од кога било, сме исправени пред предизвикот да ја зацврстиме најголемата вредност што една нација може да ја има, а тоа е единството. Силна е таа земја чии граѓани стојат еден покрај друг, не поради страв, туку поради заедничка надеж. Не затоа што мораат, туку затоа што веруваат во таа нивна заедничката иднина. Нашата историја е сведоштво за тоа што можеме да постигнеме кога сме обединети, објави премиерот Христијан Мицкоски.
„Ние сме народ кој многупати бил потценет, но никогаш покорен. Народ кој чекори исправено. Нашите победи се тивки, но длабоки. Не се само за нас, тие се порака до светот. Ние сме земја можеби мала по територија, но голема по срце. Да веруваме во тоа што сме и уште повеќе во тоа што можеме да бидеме“, додаде Мицкоски.
Обединети, не само што ќе опстанеме, туку така ќе победуваме.
