Премиерот Христијан Мицкоски вели дека речиси 25 милиони евра се децентрализирани од буџетот до општините за реализација на капитални проекти во претшколското образование.
– Речиси една и пол милијарда, ако не се лажам, милијарда и петстотини милиони денари или речиси 25 милиони евра се децентрализирани од буџетот кон општините за изградба, проширување, реконструкција, пренамена и на градинки – рече Мицкоски во одговор на новинарско прашање по пуштањето во употреба на детската градинка во Шуто Оризари
Појасни дека во Скопје е во тек реализација на 16, а во Македонија 37 детски градинки.
– Значи, 16 се во фаза на изработка во Скопје, а 37 се на целата територија на земјата. И со тоа, како што реков, очекувам резултатот на крајот да биде да нема повеќе листи на чекање за дечињата – рече премиерот Мицкоски.
