Нема притвор за 52-годишниот професор кој беше приведен по пријава на 18-годишна ученичка во средното уметничко училиште „Лазар Личеноски“, за принудување на полов однос.
По барање на Обвинителството, судот му одреди мерки за претпазливост. Одземен му е пасошот, има забрана за приближување до девојчето и забрана за извршување на работните обврски.
Од Кривичниот суд уште еднаш појаснуваат дека на осомничен не може да му се определи повисока мерка, доколку тоа не го побара Обвинителството.
Наставникот, како што претходно информираше МВР, е лишен од слобода на 9 март, откако претходно добиле пријава дека вознемирувал ученичка и барал да имаат полови односи.
