Со многу емоции и носталгија – македонската рок група Меморија, покрај најавениот концрет на 25-ти месецов во МКЦ, годинава ја заокружуваат со музички времеплов – Изложба на фотографии од најзначајните моменти на групата од нејзиното постоење. Во наредните седум дена верните фанови на Меморија ќе можат да се вратат низ времето. Изложбата ги открива ретките и култни настани од повеќе од четири деценискиот музички пат – од првите проби и настапи па до големите сцени и незаборавните средби со публиката.
На концертот кој Меморија го нарече „Аll stars“ ќе свират повеќе од 24 музичари кои низ годините биле членови на бендот. Концертот е најавен како музички времеплов преку кој легендарната група ќе ја прошета публиката низ годините и својот репертоар на најпознати хитови, но ќе се изведат и некои од првите песни кои досега не ги свиреле во живо.
Пред повеќе од 40 години, групата го имаше својот прв концертен настап токму во познатата Денсинг сала на тогашниот Дом на млади „25 Мај“. Во тоа име, на 25 декември на истото место, музичката историја на Меморија ќе се повтори.
Давид Крстевски
