Градоначалникот на Општина Чаир, Изет Меџити, ја посети Поликлиниката Бит Пазар, каде заедно со директорот на Здравствен дом – Скопје, Самир Исени, разговараа за актуелните потреби на институцијата и можностите за подобрување на условите и услугите за граѓаните.
За време на посетата се разговарало за можностите за обезбедување нова опрема, реновирање и модернизација на објектите, како и за зајакнување на стручниот кадар, како важни сегменти за унапредување на функционирањето на Поликлиниката Бит Пазар.
– Секој ден сме на терен, таму каде што се потребите на граѓаните. Денеска во Поликлиниката Бит Пазар конкретно разговаравме за нова опрема, реновирање и модернизација на објектите, како и за зајакнување на стручниот кадар. За нас е важно потребите директно да ги слушнеме и идентификуваме, а потоа да ги претвориме во конкретни проекти и активности во служба на граѓаните – изјави Меџити, соопштија од Општина Чаир.
