Заменичката министерка за здравство Маја Манолева не се чувствува виновна за хаосот на Хирушките клиники и не размислува за оставка. Таа денеска ги седнала на маса директорите на клиниките, каде било договорено дека допрва треба да се објави тендер за набавка на нови компресори за Клинички. Вели дека побарала од двата помошни хирушки центри – градска болница “Св Наум Охридски” и “ГОБ 8-ми септември” кои се соочуваат и со најголемиот товар со пациенти, да поднесат барања за распределување на медицинцкиот персонал.
Манолева не е загрижена за колапсот на Клинички, и тоа што илјадници пациенти се оставени да чекаат за потребните операции. Најголем проблем е, што од ден на ден бројот на болни кои чекаат интервенција енеромно се зголемува.
Каков гас и смрдеа се шири во хирушкиот блок и дали ќе се смени компресорската станица на Клинички ќе се знае деновиве. Иако дел од докторите, најавуваа дека денеска со помош на надворешни компресори ќе проработат хирушките сали, тоа не се случи. Ниту еден директор од Клинички не собра храброст и не излезе во јавност да објасни колку оператвни зафати се одложени и што се случува во хирушките клиники, и покрај тоа што од заеднички служби топката ја префрлија кај нив. Единствен што јавно кажа дека хирурзите функционираат во импровизирани услови а пациентите се во агониј, поради пролонгирање на интервенциите беше директорот на стара градска,др. Љубен Арсенков. Тој алармираше уште пред една недела дека, здравтсвените власти треба под итно да се фатат за работа и да го решат проблемот најбрзо што можат.
