🎥 Манасиевски: Каја Шукова е врзана во бизнис кругот на Заев и Филипче додека биле на власт, таа не можела да одбие кандидатура како Ралев, морала да прифати да губи

Дали Каја Шукова не смеела да одбие да бидат кандидат за пораз, затоа што е директно вмешана во бизнисите со фотоволтаици на луѓе од власта?, праша Валентин Манасиевски на прес-конференција.

„Дали Каја Шукова како Министер за животна средина има дадено стотици позитивни мислења за поставување на фотоволтаични централи низ Македонија, и дали поголемиот дел од истите тие фотоволатични централи се на луѓе блиски до СДСМ?

Дали Каја Шукова е вмешана во давањето мислење за поставување на фотоволтаична централа на браќата на Венко Филипче и Зоран Заев во Дојран?

Дали поврзаноста со бизнисите на Заеви и Филипче, всушност е и причината поради која таа е врзана во кругот во СДСМ од кој не може да излезе?

Дали Каја Шукова заради ова свое минато со Заев и Филипче немала избор како Мишко Ралев кој ја одбил понудата да биде кандидат на СДСМ за Скопје?“, праша Манасиевски.

Ова се кадрите на СДСМ. Кадри со силни врски со минатото и со бизнисите на Заев и Филипче. Каја Шукова ќе дознае што мислат Скопјани за СДСМ и за неа, со најголемиот пораз во историјата на таа партија, заклучи Манасиевски.