Градоначалникот тепач Сашко Митовски од Крива Паланка, пред јавноста глуми жртва, а во суштина се однесува шерифски во општината, рече на денешната прес-конференција Валентин Манасиевски од ВМРО-ДПМНЕ.
Тепачот Митовски ја злоупотребил службената положба заради тоа што нема извршено надзор и контрола и спротивно на Закон одобрение за градба потпишал како важечко, иако не требало, за СДСM тоа е режим, а Митовски жртва во случајот. Митовски не е никаква жртва, туку локален шериф во Крива Паланка, кој ги тепа своите сограѓани заради тоа што има капка повеќе алкохол во него. Но, сепак, еве би ги прашале СДСM, дали тепачот градоначалник Митовски е жртва и во друг случај, кога повторно, спротивно на Закон, се изготвило решение за поставување на урбана опрема, поднесена од правно лице-угостителски објект, или во превод кафуле, чиј сопственик и управител е токму неговиот брат, Милан Митовски. Замислете, до каде одат градоначалниците од СДСM како Митовски, во општините со кои раководат, тие мислат дека општината им е нивен приватен бизнис, па си прават што сакаат и мислат дека нема да одговараат пред Законот, затоа што досега праксата покажа дека секој оној којшто е близок до СДСM или пак член на истата политичка партија, не одговара и нема никакви судски последици за работите кои ги прават спротивно на Законите. Исто така, за овој случај, тепачот Митовски има добиено кривична пријава, и покрај него уште три други лица, кои веројатно по негова насока го одобриле барањето од правно лице – угостителски објект, за поставување на урбана опрема, кое е во сопственост да повториме, на неговиот брат Милан Митовски. Ова е уште една потврда дека Сашко Митовски не е никаква жртва, ниту под прогон на некаков си режим, туку само обичен локален шериф, кој својата власт ја користи за свои лични интереси. Митовски знае дека за многу брзо од денес, ќе ги загуби изборите, бидејќи на граѓаните на Крива Паланка им е доста од градоначалник кој ги тепа своите сограѓани, истакна Манасиевски.
На граѓаните на Крива Паланка им е потребна промена, а ВМРО-ДПМНЕ преку свој кандидат ќе ја испорача промената, додава Манасиевски.
